Eldor Shomurodov

Eldor Azamatovich Shomurodov 29 iyun 1995 yilda Jarqo'rg'on, Surhondaryo viloyatida tug'ilgan. O'zbekistonlik futbolchi, Italiyaning "Roma" klubi va O'zbekiston terma jamoasi hujumchisi.U 6 yoshida futbol bilan shug'ullana boshladi. 11 yoshida Muborak shahridan "Mashal" futbol klubi akademiyasida o'qishni boshladi.2016 yilgacha u yoshlar jamoasida o'ynagan. 2015 yildan O'zbekiston terma jamoasiga jalb etila boshladi. U terma jamoadagi debyut o'yinini 2015 yil 3 sentyabrda JCh -2018 saralash turniri doirasida Yaman terma jamoasiga qarshi o'yinda o'tkazdi va keyinchalik O'zbekiston terma jamoasining asosiy futbolchilaridan biriga aylandi. Yutuqlar: "Bunyodkor" O'zbekiston chempionatining kumush medali sovrindori: 2016 yil O'zbekiston kubogi finalchisi: 2015 yil Shaxsiy: O'zbekistonda yilning eng yaxshi futbolchisi: 2019 yil. Rossiya chempionatining 33 ta eng yaxshi futbolchilari ro'yxatiga kiritilgan. Futbol bo'yicha o'smirlar o'rtasida Markaziy Osiyo chempioni.