Kalit so'z (ruscha ключевое слово, inglizcha keyword) - mavzuning mazmunini ochib beradigan so'z demakdir. Aytaylik internetda bitta maqola bor, unda 2000 ta so'z yozilgan, lekin uning mazmuni aynan bitta so'z (nari ketsa 2-4 ta so'z) bilan ifodalanadi. Masalan kasalliklar misolida oladigan bo'lsak, gripp kasalligini davolash, simptomlari, uni uyda nima qilib davolash mumkinligi, xavflari haqida maqola bor. Lekin o'sha maqoladagi kalit so'z GRIPP bo'ladi.
Bu so'z ko'proq internetda ishlatiladi, ayniqsa qidirish formalarida. Shu sababli, gripni davolash haqida ma'lumot qidirmoqchi bo'lsangiz (google yoki yandex`da emas, balki saytning o'zini qidirish formasi orqali), "grippni uyda tezda davolash haqida ma'lumot" deb yozmasdan, faqat gripp deb yozib qidiring, shunda sayt sizga grippga tegishli bo'lgan barcha maqolalarni chiqarib beradi. Ular orasidan kerakligini topib olaverasiz.
Google va yandex`da esa istalgan uzunklikdagi kalit so'z bilan qidirish mumkin, chunki u butun dunyodagi ochiq saytlar orasidan izlaydi. Lekin baribir konkretika bilan yozgan ma'qul.