Homilador ayol tana harorati qancha bo'lishi kerak

Tana haroratining keng tarqalgan 36,6 `C birlik shartli ko'rsatkich sanaladi. Aslida esa sog'lom odamda tana harorati qo'ltiq ostida o'lchanganda 35,2 - 37,2 `C oralig'ida bo'lishi mumkin. Homiladorlikning birinchi trimestrida esa progesteron gormonining faol ishlab chiqarilishi tufayli bu ko'rsatkich yanada yuqori bo'lishi mumkin. Faqat tana harorati 37,4`C dan yuqori bo'lganda havotirlanish mumkin. Harorat ko'tarilishi sababining uzundan-uzun ro'yxatini keltirish mumkin (shamollash, gripp, sistit va hokazolar), biroq har qanday holda eng to'g'ri yo'l shifokorga ko'rinish bo'ladi.