Germaniyada ko'proq ofisda ishlaydiganlar uchun ish ko'proq. Masalan hozirda IT mutaxassislarga talab katta. Ba'zi korxonalar faqat suhbat o'tkazish orqali ishga oladi, ya'ni oliy ma'lumotlilikni tasdiqlovchi diplom ham kerak emas. Ishga joylashish osonroq bo'lishi uchun albatta nemis tilini yaxshi bilish kerak. Mutaxassisligi bo'lmagan migrantlar uchun Germaniyada ish qidirish befoyda. Oddiy qilib aytganda mardikorlik qilib pul topib bo'lmaydi.
Eng katta talab muhandis (injener) va shifokorlarga.
Germaniyada ish qidiruvchilarning aksariyati buni turli internet portallari orqali amalga oshiradi, masalan www.jobs.de/ portalida bo'sh ish o'rinlari haqida e'lonlar topsa bo'ladi. Bunda ish beruvchilar bilan bog'lanib, ishlash sharoitlarini kelishib olish mumkin. Ish beruvchi qanday hujjatlar va ko'nikmalar kerakligini aytadi.
Yana Germaniyaga kirish uchun Shengen vizasi ham kerak bo'ladi, buni ham g'amini yeyish kerak. Kerakli hujjatlarni barchasi nemis tiliga tarjima qilinishi ham talab etiladi.