Menda ham kamida 20 martacha video-selfi orqali tasdiqlashdan o'tishga urinishlarim rad etildi. Hatto Instagram profilimdagi rasmda qanday kiyimda bo'lsam, o'shani kiyib ko'rdim, videoni telefonim eng ko‘p turadigan joyda (uyda) oldim, baribir foydasi bo'lmadi. O'tgan yili 2FA yoqqan bo‘lsam ham pochtamga kelgan deb o'ylagan zaxira kodlarimni topolmadim, xullas umidimni uzgandim
Kecha oxiri Facebook’imdan Instagram’ga rasm ulashib (post qilib) ko'rmoqchi bo'ldim. Bu ikki akkauntim bir-biriga necha yillardan beri ulangan edi. Shunda miyamga fikr keldi, agar bular bog'langan bo'lsa, bittasidan ikkinchisiga kirishning yo'li bo'lishi kerak-ku. Qarasam, rostdan ham Facebook orqali Instagram’ning zaxira kodlarini chiqarib olsa bo'larkan va shu yo'l bilan akkauntimga kira oldim.
Mana qanday qilish kerak: (Men buni kompyuterda qildim, telefonda ham xuddi shunday bo'lsa kerak, lekin aniq bilmadim)
Facebook’ka kiring va quyidagi ketma-ketlik bo'yicha o'ting:
Settings & Privacy > Settings > Accounts Center > Password and Security > Two-Factor Authentication > Instagram akkauntingizni tanlang > Additional Methods > Backup Codes.
Bo'ldi, tamom! Sizga bir nechta 8 xonali zaxira kodlari ko'rsatiladi, ulardan foydalanib bemalol Instagram ilovasiga kira olasiz. Umid qilamanki bu kimdir uchun asabiy yopiq doiradan chiqib olishga yordam beradi