Kelajakda mashinalar to'liq o'zini o'zi boshqaradimi?

Texnologik jihatdan to'liq avtonom (5 daraja) boshqaruv hali hech qayerda amalga oshirilmagan. Waymo, Tesla, Cruise kabi kompaniyalar 4 darajaga (ma'lum sharoitlarda, ma'lum hududlarda to'liq avtonom) yaqinlashgan, lekin bu har qanday yo'l, ob-havo va vaziyatda ishlaydigan universal tizim emas

To'liq avtonom tizimga o'tishga qarshilik qilayotgan omillar:

1. Kutilmagan vaziyatlar. G'alati harakat qiluvchi piyodalar, noan'anaviy yo'l belgilari, ekstremal ob-havo. Bunaqa omillar juda ko'p va ularning barchasini oldindan aniqlab algoritmlarga kiritib bo'lmaydi
2. Huquqiy va axloqiy masala. Avariya bo'lganda kim javobgar - ishlab chiqaruvchimi, avtomobil egasimi yoki dasturchimi? Bu masala hali ko'p mamlakatlarda hal qilinmagan.
3. Infratuzilma. Yo'llar, belgilar va tizimlar hozircha inson haydovchisi uchun mo'ljallangan, avtonom mashinalar uchun emas.
4. Ishonch. Odamlar mashinaga hayotini ishonib topshirishdan oldin uzoq vaqt sinovdan o'tgan bo'lishi kerak.

Yaqin yillarda to'liq avtonomlashuv bosqichma-bosqich bo'ladi: avval maxsus zonalarda (shaharlar, tor yo'llar) to'liq avtonom taksilar keng tarqaladi, keyin magistrallarda avtopilot funksiyalari yanada rivojlanadi. Umumiy, har qanday sharoitda ishlaydigan to'liq avtonomlik esa yana o'nlab yillar talab qilishi mumkin. Ba'zilar buni hech qachon 100% erishilmaydigan maqsad deb hisoblaydi.

Qisqasi: ehtimol - ha, lekin "to'liq va universal" darajada emas, balki cheklangan sharoitlarda avtonomlik asta-sekin kengayib boradi. O'zimizda hali bu borada hech bir tashabbus yoki yangilik mavjud emas