Alisher navoi va Xusayn dostli insh

Reja:

1. Ikki do'st: shoir va sulton.
2. Bolalikdagi do'stlik.
3. Davlat ishlarida hamkorlik.
4. Do'stlikning sinovlari va abadiyligi.

Tarixda shoh va shoirning do'stligi kam uchraydi. Alisher Navoiy va Husayn Boyqaro do'stligi ana shunday noyob misol.

Ular bolaligidan bir-birini bilgan, birga ta'lim olgan. Husayn Boyqaro 1469-yilda Hirot taxtiga o'tirgach, Navoiyni o'z yoniga chaqirdi. Navoiy avval muhrdor, keyin vazir bo'ldi. U davlat ishlarida adolatni qo'llab-quvvatladi, madrasalar, shifoxonalar, ko'priklar qurdirdi.

Husayn Boyqaro ham shoir edi, "Husayniy" taxallusi bilan she'rlar yozgan. Ikki do'st ijod masalalarida ham bir-biriga yaqin edi.

Ularning munosabatlari doim silliq kechmagan, saroyda ig'vogarlar ko'p bo'lgan. Navoiy vazirlikdan iste'foga chiqqan, lekin ular orasidagi hurmat saqlanib qolgan. 1501-yilda Navoiy vafot etganda Husayn Boyqaro chuqur qayg'uga botgan.

Bu do'stlik bizga haqiqiy do'st yuqori lavozimga yetsa ham o'zgarmasligini, do'stlik hurmat va sadoqatga qurilishini o'rgatadi.