Ozbek xalq dostonlarida vatanparvarlik fazilatlarining ask etishi

Ona yurting omon bo'lsa, rangi ro'ying somon bo'lmas. (Xalq maqoli)

Vatan har bir inson uchun eng aziz tushuncha. Xalqimiz bu tuyg'uni asrlar davomida dostonlarida kuylab kelgan.

"Alpomish" dostonida Alpomish o'z elini qalmoq zulmidan, keyin Ultontoz zo'ravonligidan qutqaradi. U uchun vatan nafaqat yer, balki unda yashayotgan odamlar: keksa ota-onasi, singlisi, eli. Yetti yil zindonda yotsa ham u elga qaytish orzusi bilan yashaydi.

"Go'ro'g'li" dostonlarida esa Go'ro'g'li adolatli Chambil yurtini barpo qiladi. U zolimlardan qochgan mazlumlarga boshpana beradi. Bu xalqning tinch va adolatli vatan haqidagi orzusi.

Dostonlarda vatanparvarlik so'z bilan emas, fidoyilik bilan ko'rsatiladi. Qahramonlar o'z manfaatini emas, el manfaatini birinchi qo'yadi.

Bugun biz qilich ko'tarib jangga chiqmaymiz, lekin vatanparvarlik o'zgarmagan: yaxshi o'qish, halol mehnat qilish, yurtimizni obod qilish. Dostonlardagi qahramonlar bizga shuni eslatib turadi.