Har bir aviakompaniyaning styuardessalarga bo'lgan talablari turlicha bo'ladi, lekin ba'zi umumiy o'xshash talablar mavjud, ular:
- Yosh - eng kamida 18 yoshga to'lgan bo'lish kerak, ba'zan bu ko'rsatkich 21 yosh bo'lishi ham mumkin;
- Oliy ma'lumotli ekanligini tasdiqlovchi diplom (ba'zan o'rta-maxsus yoki akademik litseyniki ham qabul qilinadi);
- Salomatlik yaxshiligi, xususan ko'z nurining;
- Bo'y uzunligi - bu odatda 158-190 sm oralig'ida bo'ladi, qo'llarni ko'targanda umumiy uzunlik 212 sm ni tashkil etishi kerak, bu yuqori polkalarga qo'l yetishi va samolyotda xavfsizlikni ta'minlash uchun kerak;
- Tana vazni bo'y uzunligiga mutanosib bo'lishi kerak;
- Tananing ko'rinib turuvchi qismida tatuirovkalar va pirsing bo'lmasligi kerak. Ba'zi aviakompaniyalar tatuirovkaga ruxsat beradi, faqat ular plastir bilan yopilgan bo'lishi kerak;
- Suzishni bilish. Mashg'ulotlarda 25 metrga suzish talab etiladi;
- Sudlanganlik bo'lmasligi;
- Chetga chiqishga ruxsat beruvchi hujjat;
- Mijozlarga xizmat ko'rsatish ko'nikmasi - aviakompaniyaga qarab bu 6 oydan 2 yilgacha bo'ladi;
- Ingliz tilida erkin so'zlasha olish - aviatsiyada asosiy gaplashish tili ingliz tili hisoblanadi.
Bo'sh o'rinlar mavjud bo'lganda aviakompaniya saytida e'lon beriladi. Masalan O'zbekiston havo yo'llari saytidagi e'lon. Kerakli hujjatlar va boshqa talablar shu e'londa keltiriladi. Internetdan boshqa aviakompaniya saytlarini qidirib, ulardagi tenderlarni kuzatib borish mumkin. Styuardessa bo'lish uchun maxsus institutda o'qish shart emas.