Farzand tarbiyasida otani oʻrni mavzusida insho rejasi bilan

Reja:

1. Oila va ota.
2. Ota ibrat maktabi.
3. Otaning tarbiyadagi o'ziga xos o'rni.
4. Xulosa.

Oilada ona mehr bilan tarbiya qilsa, ota ko'proq ibrat bilan tarbiyalaydi. Bola otasining gapidan ko'ra ishiga qarab o'rganadi.

Ota halol mehnat qilsa, farzandi ham mehnatni qadrlaydi. Ota so'zida tursa, bola ham va'daga vafo qilishni o'rganadi. Shuning uchun otaning har bir xatti-harakati farzandi uchun dars.

Ota oilaning tayanchi. U farzandiga mas'uliyat, qat'iyat va o'z oyog'ida turishni o'rgatadi. Ayniqsa o'g'il bolalar otaga qarab erkaklikni o'rganadi.

Xalqimizda "Ota rozi, Xudo rozi" degan gap bejiz aytilmagan. Ota hurmatini joyiga qo'ygan farzand hayotda adashmaydi.