Ayol kishiga spirtli ichimlik ichish mumkinmi?

Umuman olganda, spirtli ichimliklarni hech kimga ichish tavsiya etilmaydi. Bu nechta oilani buzilib ketishiga olib kelgan. Har bir erkak rozi bo'lsa kerak, ichadigan yoki chekadigan ayol - o'ta xunuk manzara. Vinomi yoki pivo yoki aroqmi yoki konyak - farqi yo'q, bora-bora bularga o'rganib qolish mumkin. Ayollar alkogolizmi esa deyarli davosiz hisoblanadi. O'zi erkaklarning ichishiga ham qarshimanu, lekin fakt bu fakt, ayollar organizmi alkogolni erkaklarnikiga qaraganda umuman boshqacha qabul qiladi, buning sababi gormonlarda. Ayollarda spirtni parchalashga javob beruvchi fermentlar kam bo'ladi. Buni istalgan vaqtda boshqa manbalarda ham o'qib ko'rishingiz mumkin. Hozirgi zamon boshqa, avvalgi kabi erkak va ayol huquqlarini ajratish degan narsa yo'q. Ayollar erkaklar qatori ishlamoqda, ular ham biznes va boshqa sohalarda ishlamoqda, ularda ham stress bo'ladi, bir bokal vino stressni yengadi deyishadi. Joyi kelsa erkaklardan ham ko'p pul topadi, lekin bu ular erkak degani emasku. Endi erkaklar ichsa bu "odatiyroq" holat, garchi noto'g'ri bo'lsa ham. Masalan, fitnesga boradigan ayollar yaxshi biladi, ayollarga va ayniqsa yoshlariga 5-7 kilogrammdan ortiq yuk ko'tarmaslik tavsiya etiladi, chunki bu kichik chanoq a'zolarining pastga siljishi bilan xavf tug'diradi. Bunday hollarda xo'p-xo'p, lekin ichishga kelganda nimamiz kam degan gap boshlanadi. Yana bilmadim boshqalarni fikri qanday, lekin tibbiy va odamiylik nuqtai nazaridan qaraydigan bo'lsak, ayol kishiga spirtli ichimlik ichish eng-eng tavsiya etilmaydigan narsa.